Janë shoqëruar me incidente dhe përleshje, homazhet e ditës së sotme në “Varrezat e Dëshmorëve”, me rastin e 5 Majit.
Përplaska ndodhi mes vetenarëve nostalgjikë të ish-diktatorit Enver Hoxha dhe disa personave ende të paidentifikuar.
Fillimisht, ashtu si çdo 5 Maj, veteranët janë shfaqur me parulla dhe pankarta që kujtonin diktatorin.
“Partia Komuniste, Partia Komuniste”, kanë qenë thirrjet e veteranëve.
Por nga ana tjetër një grup personash iu kundërvunë, duke u përplasur edhe fizikisht me veteranët. Dhe sipas raportimeve të para mësohet se janë përdorur edhe shkopinj.
“Enver Hoxha i bëre gropën këtij vendi, poshtë komunizmi,” bërtisnin personat që u përplasën fizikisht me veteranët
Ka qenë ndërhyrja e policisë që ka neutralizuar përleshjen, i dhe ka shoqëruar disa persona në komisariat lidhur me ngjarjen.
Gjithçka ndodhi pak minuta pasi Presidenti Ilir Meta, Kryeministri Edi Rama dhe kryeparlamentari Gramoz Ruçi vendosën kurora me lule, të cilat u shkatërruan pak më vonë.